अँड्रॉइड मोबाइल घेण्याचे मुख्य कारण म्हणजे छंदांची होणारी पूर्तता. थोडक्यात काय, खेळायला मिळणारे अप्रतिम गेम्स, बहुपयोगी अॅप्सची आणि तेही फुकट. आता ह्या कारणांमध्ये आणखी एक भर पडली आहे ती म्हणजे 'पुस्तके'.
पुस्तके वाचणे हा माझा आवडता छंद. गुगल प्लेवर वाचण्यासारखी बरीच पुस्तके उपलब्ध आहेत. साहित्य चिंतन हे अशी पुस्तके पुरवण्यात आघाडीवर आहेत. गुगल प्लेवर 'साहित्य चिंतन' असा सर्च केल्यास ही पुस्तके डाउनलोड करता येतील.
त्यातल्यात्यात सानेगुरुजींची पुस्तके निव्वळ अप्रतिम, सुरेख. संस्कार कशाशी खातात हे माहिती नसणाऱ्या पालकांना आणि अँड्रॉइडवर केवळ गेम्स खेळणाऱ्या आणि Whatsapp करणाऱ्या पाल्यांना काही चांगले गुण गोष्टींच्या आधारे सानेगुरुजी सहज शिकवतात. सानेगुरुजींची काही पुस्तके मी वाचली, अर्थात मोबाइलवर. अत्यंत सकारात्मक, गोड, सहज, साधी, सोपी वाक्यरचना आणि अंगात भिनतील असे संस्कार हे प्रत्येक गोष्टीचं वैशिष्टय.
मी वाचलेल्या सानेगुरुजींच्या काही पुस्तकांची नावे लिंक सकट देत आहे. त्याने डाउनलोड करायला मदत होईल.
- विश्राम
- चित्रा आणि चारू
- करुणादेवी
- अमोल गोष्टी
- बेबी सरोजा
- खरा मित्र
- सोराब नि रुस्तुम
- फुलाचा प्रयोग
- यती की पती
- मनूबाबा
- घामाची फुले
या शिवाय २ भयकथा आहेत ज्या वाचताना खरोखर घाबरायला होतं.
मेंदीच्या पानावर ही अनिकेत समुद्र यांनी लिहिलेली लव्ह स्टोरी देखील वाचण्यासारखी आहे.
तर चला मग उचला मोबाइल आणि सुरु करा डाउनलोडिंग…
